[ البــــآرت 1 ]
بالنسبه لشخصيات فيها اكثر من طرفين
بس انا بوضح العائله الرئيسيه عسب اتتعرفون على الاشخاص الرئسيه بالموضوع
عائله بو عبدالله
ابو عبدالله : ريال كبير بالسن ومزاجي وايد يحب الوناسه ومع هذا متدين وحكيم برايه
ام عبدالله : متوفاه من فتره قريبه جدا
عبدالله : الولد الكبير لابو عبدالله مخلص جامعه [ اداره واقتصاد ] ومتزوج وعنده بنوتين ولدين ملتزم في الدين يعني نتقدر انقول انه مدين
منصور : عمره 28 سنه .. حامل المسؤوليه ما شالله عليه وماسك شركه ابوه ~> ذراع ابوه اليمين .. متزوج من هدي [ حبوبه وايد ورح تتعرفون على شخصيتها من خلال القصه ] وعنده 3 بنوتات ما شالله عليهم ولد واحد وكلهم صغار
محمد : عمره 26 سنه يشتغل ومطلق وعنده ولد وبنت .. صايع من الدرجه الاولي ويحب الوانسه فوق ما تتصورون
راشد : الولد لصغير بين الاولاد وعمره 23 سنه .. توه متخرج [ اداره واقتصاد ] بعده عازب وحبوب وايد بتعرفونه من خلال القصه ^_*
مها: دلوعه حبتين عمرها 21 سنه .. ما كملت دراستها وتشتغل واتحب تتهاوش مع راشد ههههههههه دوم
ريم : اخر العنقود عمرها 20 سنه .. طالبه جامعيه [ اداراه واقتصاد ] حبوبه ودلوعه نوعا ما
***
في حياتــــــي شي ناقص شي ما اقدر عليه
اخفي همي بين ضلع(ن)وبين نبضات الوريد
في بيت ابو عبدالله الساعه 10 المساء
كانت الغرفه ظلام والمكيف ثلج .. وريم راقده ولا دارايه عن الدنيا وفي وسط زحمه الهدوء الباب فتح وشغل الليت وبند المكيف .. وريم غطت فيسها وسوت طاف له وهو مصر الا يصحيها وقاعد يشل عنها الغطا
ريم : بس عاااااااااااد خليني راقده مالي خلقك
راشد : مب ع كيفج قوومي .. بسج رقاد
ريم : ياخي خلني اشبع من لرقاد مرت علي ايام ما كنت ارقد فيها
راشد : لا قووومي صارت الساعه 10
ريم وهي اتقوووم من السرير : احللللللللللللللللف
راشد : والله الساعه 10
ريم : وليش مخليني للحين ><
راشد : توج اتقولين ليش اتوعيني شو انتي تلعبين ولا شو
ريم : اووووف ~> وكملت طريجها ودخلت الحمام
ريم وراشد توئم بعض .. مع انهم مب توئم على ارض الواقع بس علاقتهم ببعض قويه وايد .. ما ابي احرق الاحداث بتعرفونهم مع القصه
في الصاله في بيت ابو عبدالله
مهـآ يالسه ع التلفزيون وكالعاده ع البرامج مالت التجميل ~> اتحب هالسوالف ومنصور قاعد يفر القناه
مها وهي معصبه : منصووور عاد عن النذاله وخفت الدم الزايده
منصور : ههههههههههههههه لا والله كيفي كيفي
مها : لا تحط راسك براسي والله لاخليك تندم
هدي ( حرمة منصور ) : قومي له يامها من زمان ما ضربته .. وهاليومين صاير اللسانه طويل
منصور قاعد يعنادهم و فر القناه مره ثانيه
مها : وبعدين معاك والله الحين بقوم لك
منصور : قومي انزين عبالج بتخرعيني ~> وبنفس الوقت قاعد يدز هدي بيده
هدي : منصور وبعدين معاك
منصور : ياخي كيفي ههههههههههه
وجان هدي تغمز لمها ويقومون عليه ويضربونه
منصور : لاااااااااااه خلاص انا اسف اسف
مها وهي راكبه ع ظهره : ياخي كيفي
وهدي راكبه ع رجوله : زيديه يامها زيديه ههههههههههههههههه
منصور : خلاص والله اسف الي تبونه بيصير هههههههههههههههههههههه
مها : لا لا انا ابي اخذ حقي ههههههههههه
ودخل ابوعبدالله في هاللحظه كان توه راد من برع
بو عبدالله : عسي ماشر ايش فيه صوتكم واصل لبرع
جان مها تنزل وتقعد مكانها وهدي نفس الشي
هدي : هههههههههههه عمي منصور قاعد يلعوزنا وجي يعني هههههههههههه
بو عبدالله : لا حول ولا قوه الا بالله عيالي استخفوا واقعدوا ~> وابتسم ابتسامه خفيفه وراح
( بوعبدالله من بعد وفات حرمته وهو يعيش حاله شوي صعبه .. وحاط همه كله انه يحافظ على عياله )
منصور : ما عليه ارويج يامها بجوف من بيوصلج بكره ع الدوام
مها : لا تهدد .. بتوصلني غصب عنه
منصور وهو يقلد مها : اتقوم لي من الصبح منصور قوم تاخرنا يالله ... ههههههههههه
وجان تمسك مها المخده وتفرها ع راسه
فوق في غرفة ريم
.. ريم خذت لها شور وراحت اتصلي وراشد كان قاعد ع اللاب ويوم خلصت ريم الصلاه
راشد : ها ايش سويتي بالامتحان اليوم
ريم : مادري بس زفت والله وايد يالله يارب ايب نسبه حلوه وادخل التخصص الي ابيه
راشد : الله يستر
ريم : صدقك .. انزين رشوود متي انت بتروح مصر مالتك
راشد : مادري يمكن الاسبوع الياي
ريم : وبتخليني بروحي ><
راشد : لا ما بخليج .. بس هانت كلها هالسنه وعقبها بفتك
ريم : يالله يالبي ان شالله ربي يوفقك
راشد : ما قلت لج .. خالد رجع من الاردن يقول دراستهم صعبه ههههههههه ويقول انه بيسافر مع ماجد وبيجي مصر
)خالد وماجد عيال عمهم (
ريم : هههههههههههههههههه لا بالله مصر بتخترب ع يدهم
راشد : ولاااااه خالد مصدق عمره اليوم شفته بالمسيد وسوا روحه ما شافني وراح عند ابوي وسلم عليه وهو منزل عيونه بالارض من الحيا
ريم : ههههههههههههههههههههههه الولد مستحي ايش فيك يبي ياخذ بناته اكيد يبي يحسن العلاقات
راشد : ايييه والله صدقج .. بس والله لو جفتي شكله لمتي من الضحك
ريم : هههههههههههههههههههه تبي تخبرني فيه اعرفه خلووود عدل
راشد يرن فونه : الوووووووووو
: هلا والله رشود
راشد : اهلين فصوول
فيصل : شحالك ياولد العم
راشد : بخير ومن صوبك
فيصل : الحمد الله .. اقول راشد ما حجزت حق مصر
راشد : اييييه حجزت وخلصت وابوك كلمني وحجز لك وياي
فيصل : صدق .. ما قالي
راشد : والله ما اعرف بس هو اتصل اليوم وقالي احجز لك عاد انت كلم ابوك وجوف شو صار
فيصل : اوكي عيل الحين اخليك
راشد : خذ راحتك
فيصل : مع السلامه ~> وسد راشد الخط بسرعه
راشد : والله ما اعرف هاي شلون يفكر
ريم : ليش
راشد : ابوه يبيه يسافر يكمل .. وهو يقوول ما ابي ويقعد يصيح شرات الخديه
ريم : هههههههههههههههههه خيبه ليش يصيح
راشد : والله يقعد يصيح لي ايام الامتحانات اونه ابي امي .. وامه تتصل فيه من الصبح وتقعد تكلمه واتهديه وسالفه ههههههههه
ريم : ههههههههههههههههههههههههههههه احسه هالولد اخواني
راشد : ههههههههههههههههههههههههههههه خليها على الله
ريم : لا صدق اخواني هو هههههههههههههههه
راشد : عيب عيب هاي ولد عمج احترميه هههههههههههههههههههه
ريم : ههههههههههههههههههه عمت عينك .. قال ولد عمي قال
راشد : ههههههههههههههه انزين يالله ننزل تحت نقعد معاهم شوي
ريم : اوكيك اسبقني
راشد : اتشاااااااااو
تحت في في الصاله كانوا حاطين العشا وقاعدين يتعشون حب راشد راس ابوه وقعد معاهم
ابو عبدالله : وينك انت صاير ما تنشاف
راشد : لا يوبا بس شوي كنت مع الربع هاليومين
ابو عبدالله : انزين اتصلت حق صالح ولا بعدك
راشد : ايه يوبا كلمته وقال انه ع اساس هو بياخذ العماره ايجار وبياجرها ع الناس
ابو عبدالله : انزين هو الحين المستفيد بيخذها منا برخص التراب
راشد : بس ترا يبا هالشي لصالحنا
ابوعبدالله : شلون بصالحنا واحنا خسرانين
راشد : يوبا صالح بتاجر العماره من عندنا ع الاقل صالح انعرفه يعني لو بتاجر لحد ثاني بتكون خسران لانه المصريين مالهم امان
منصور : ايه يبه صدقه راشد خاصه انه احنا يوم انروح مصر نروح اسبوع ولا اسبوعين واكوا راشد يدرس هناك ومع هذا انت حاطه بسكن غير العماره
ابو عبدالله : بس اسمع ياراشد يوم توقع العقد وياه اكتب من بين الشروط انه لو حد نزل منا يعطيه شقه من غير ما يكلمه
راشد : ان شالله يوبا .. انزين يبا انت ما بتروح معاي تتفاهم معاه يكون افضل يعني
ابو عبدالله : بجوف جان بخلص شغلي وبلحقك عقب
بهاللحظه نزلت ريم من فوق وحبت راس ابوها وكان ابوها مولع السيجاره
ريم وهي ماسكه السيجاره من يد ابوها وخذت لها نفس فيها : هههههههههههههه يوبا بعدين معاك ياقلبي انت هاي مضره لك
ابو عبدالله : مب كانج صايره قليله حيا ادخنين جدامي
ريم : لااااااااااااااااااااا يوبا انا ما اقصد .. بس انا حبيت انصحك ~> وطفت السجاره قطتها بالزباله
ابوا عبدالله : شنو انتي يالنتفه بتتحكمين فيني
ريم : ايييييييييييه ويحق لي ... خايفه عليك يابعد حيي انتا
ابو عبدالله : شخبار الثانويه معاج
ريم : اوووووووووووه خبرك عتيج يبابي .. خلصت امتحانات اليوم هلء هسع طازه ههههههههه
راشد : طاع اللغه بس اتقول مصريه مطوره
ريم : ان كنت ناسي افكرك .. نسيت اصلك انت .. نسيت وين تدرس يالمصري
راشد : هههههههههههه جب يالله يالله
ريم : اخررررررررررررراااس ولاه .. شو صاير اليل ادب ما بتحترم ولا بتحشم
ابو عبدالله : والله محد صاير طويل اللسان غيرج انتي يالنتفه
ريم : شكرا جرحتني يبا ~> وسوت روحها زعلانه وقامت تضرب هدي برجولها
هدي : ريـــــــــــــــم شو فيج كسرتي رجولي
ريم : طاع هاي من يا صوبج .. مصدقه عمرج ترا .. بعد جدام ابوي تبي تفتري علي .. الله ع الظالم
هدي : هههههههه طاع هاي تبي تقلب السالفه علي
وكملوا سوالفهم وعقبها راحوا يقعدون ع التي في شوي
BRB
ليست هناك تعليقات:
إرسال تعليق