back
[ البآرت 2 ]
آلآ يــــاوقت مامنك آمــــــان
ساعات تفرحنا وايام تبكينا
فليل الساعه 11 في بيت محمد
محمد : لا حبيبتي ما يصير لازم اشوفج
: لا ما اقدر حبيبي هاليومين ما عندي وقت .. عندي ضغط بالشغل وباليالله ارد البيت وارتاح خليها ع يوم الخميس
محمد : عوووش لا تقولين هالكلام واتقصين علي فيه
عوش : حبيبي انت اتعرفني انا امووت فيك ودوم يوم تبي اتشوفني ما اردك بس هاليومين صعب افهم وضعي حبيبي
محمد : ع العموم برايج .. يالله انا الحين برقد
عوش : زعلت مني صح
محمد : ما يهم زعلي ولا رضاي يالله باي
وسد الفون بفيسها وقام يلعب بقائمه الاسماء ويدور بين الارقام لين حط اتصال ع رقم
وتم يرن يرن لكن محد رد عليه
في غرفة ريم
بعد ما الكل راح غرفته وريم كانت توها الي قاعده فسهرت بروحها بطلت اللاب وقعدت
دخلت المسن وقامت اتكلم رفيجاتها
مريم : هلا والله بريم
ريم : اهلين وسهلين بنور العنين .. شحالج دبووه
مريم : بخير وانتي
ريم : بخيرات يالبي
مريم : شلووون الامتحان اليوم كان
ريم : اووووف مللتوني كل ما اجوف حد قالي ايش سويتي ايش سويتي .. خلااااااااااااااااص عاد تبون اتعرفون ايش سويت انطروا النتيجه لين تظهر
مريم : حشــــــــا كلتيني بقشوري .. خلاص ما ابي اعرف شي
ريم : احسن بعد
مريم : وين رحتي انزين
ريم : رقدت ما طلعت ماكان
مريوم : مب من عوايد ريم .. العاده اتخلص امتحان من هني واتروح تفتل بالمولات وما اترد الا وين
ريم : هع زمان اول تحول .. هاي زمان يوم كان ع حيات امي .. الحين ما اقدر اطلع مثل هالطلعات
مريم : حبيبتي والله الله يرحمها ويغمد روحها الجنه
ريم : امين يارب
مريم : اييييه صدق اليوم فطوم اتقولي انها بكره بتروح الجامعه تبي اتسجل هناك ايش رايج بكره انروح جميع
ريم : اممم والله مادري انا محتاره وين بسجل اصلن .. خلاص بروح معاكم بس مب بكره بليز
مريم : انزين ليش مب بكره
ريم : من صجكم الحين تونا مخلصين امتحانات الثانويه وانطير انسجل بالجامعه بدون شهاده حتي
مريم : اي والله صدقج .. خلاص بكلم فطوم وبقول لها خليها بعد النتايج
ريم : اشتقت لها يامريوم
مريم : من
ريم : عنادي والله من زمان ما قعدت معاه .. ايامها ايام والله
مريوم : هههههههههههههههههه عنووود مادري اليوم كانت معصبه اتقولي الامتحان زق
ريم : هههههههههههههههه فديتها والله ايامها ايام الانحراف والليالي الورديه
مريم : هههههههههههههههههههههههه اووووف بتعلميني فيها
ريم : مريوم .. come in my ass ههههههههههههههههههههههههههه
مريم : جب يالخايسه .. ما ابي اكلمج .. شكلها الحاله ياتج .. برب برب برب هههههههههههههههه
ريم : تيت
وعقبها ريم راحت المنتدي وتمت تقرا واترد ع المواضيع
وكانت شي رساله عندها برسايل خاصه من مجبور اغار :
تم حذف الموضوع : ****
بواسطه : مجبور اغآر
ريم : اووووف ليش عاد ابي اعرف هاي ع كيفه يمسح خلني برد عليه برساله بجوف سالفته
رد رسالة بواسطه عزتي في سمو ذاتي :
اخووي ممكن اعرف ليش مسحت الموضوع
ما اجوف شي فيه مخالف الشروط
رد رساله بواسطه مجبور اغار :
اسمحيلي اختي بس ما قصدت اني امسح
بس الموضوع متكرر
ريم : الحين اغلب المواضيع متكرره ويالس يستهبل علي اوووف خلني ابند الاب وانام ابرك لي
الصبح الساعه 10 الصبح يوم الجمعه والكل راقد وكان جرس الباب يدق وطلعت الخدامه اتجوف من
ختيمه : ميـــن طقي باب
: انا انا
ختيمه : من انتي انا مافي معلوم
: انا خالد
ختيمه : من كالد هدا
خالد : انا خالد محمد
ختيمه : اوهووووو شنو تبي انتي ~> وبطلت الباب
خالد : وين بابا كبير
ختيمه : كلش راقد
خالد : انزين قولي له اني جيت
ختيمه : ان شالله
وسكرت الباب ودخلت البيت .. وكان ابو عبدالله توه جاي الصاله ومتسبح ومتعطر ومتجهز لصلاه الجمعه
ختيمه : بابا هزا نفر اسم خالد مال ولد اخو مال انتا يجي سوي كلام وين بابا كبير انا في يقول بابا سليب
ابو عبدالله : ما قال شنو يبي
ختيمه : لا بابا ما في يقولي
ابوعبدالله : انزين روحي سوي قهوه
ختيمه : بابا ما تبي فتوووور
ابوعبدالله : سوي قهوه بعدين فطور
ختيمه : ان شالله بابا
في غرفة منصور
( منصور قاعد عند ابوه من بعد وفات امه )
منصور : هدي قووومي بسج رقاد
هدي : ياخي هدني .. ابي انام
منصور : قومي الساعه صارت 10 ونص خلنا ننزل نتفطر مع ابوي
هدي : انزين انت انزل انا مب لازم
منصور : ما احب انزل بروحي يالله قومي وياي
هدي : ليكون ياهل وخايف اتصيع
منصور وهو يحرك هدي : يالله قووومي
هدي : منصور لا تحركني ليصحي عبدالرحمن واتوهق معاه
منصور : عيل انا الحين بقووم عبدالرحمن علشان يقومج
هدي وهي اتنش : اوووف منك لا تقوم الياهل بروحه ما رقدني بليل خله راقد ~> وقامت من السرير وغطت عبدالرحمن وراحت الباث ^_*
تحت بالصاله كان ابو عبدالله قاعد بروحه ودخل عليه ولده عبدالله وجايب معاه عياله سعود وحمد
عبدالله : صبـآح الخير يوبا ~> وحب ع راسه
ابو عبدالله : صباح النور
عبدالله : شحالك
ابو عبدالله : بخير الحمد الله
حمد : يدي يدي ثوووووف يدي
ابو عبدالله : شو فيها يدك
حمد : جاسم ضربني عليها امس وناديت الشرطه
عبدالله : هههههههه حموود يالخراط اي شرطه
حمد : ايييييييييييه وضربه الشرطي ودعمه بالسياره
عبدالله : بعد ههههههههههههههه
ابو عبدالله : وينه جسوووم انا بظربه لك
حمد : الوح اناديه
ابو عبدالله يهز براسه باشارت اييييه
في هاللحظه نزل منصور وحرمته وقعدوا بالصاله بعد ما سلموا ع ابو عبدالله
منصور + هدي : صباح الخير
الكل : صباح النور
هدي : عمي فطرت ولا بعدك
ابو عبدالله : انطركم
هدي : عيل بروح اجوف الخدم شو سوا ~> وراحت
حمد راح لمنصور : عمووو ثوووف يدي
منصور : اووووووووووويه من شنو
حمد : من دودي (عبدالرحمن ) ظربني امس
ابو عبدالله : تعال يالعيار محتار اتعق هالضربه ع منوا
حمد : يدي والله امس ضربوني
عبدالله : ههههههههههههه حمد سير ناد امك
حمد : ذين
عبدالله : روح مع الخدامه مب بروحك اوكي
حمد : ذين
وبهاللحظه دخلت هدي الصاله : الفطور جاهز يالله تفضلوا
والكل قام يتفطر
في بيت محمد التلفون
قاعد يرن ويرن ومحمد راقد .. وبعد طوووول عناء مع التلفون رد محمد ع التلفون
محمد بصوت مليان رقاد : الووو
: الووو السلام عليكم
محمد : يالبه هالصوت انا الناعم
: عفوا اخوي حد متصل ع هالرقم
محمد : ياجعلني افدا الرقم وصاحبته انا
: على جيه اسفه اخووي ازعجتك
محمد : لاااااه وين اختي تعالي ايه انا الي امس اتصلت عليج بليل ~> ويعدل قعدته
: خير بغيت شي
محمد : لا والله سلامتج .. بس حصلت رقمج بين ارقامي ودقيت عليه بغيت اعرف من صاحبه
: ايووا والحين عرفت
محمد : انزين اختي ممكن اعرف الاسم
: اسمي نوف
محمد : عاشت الاسامي والله ومعاج اخوج محمد اخصائي غزل حريمي ومدير قسم في الجهات الامنيه
نوف : اتشرفنا اخوي .. بس ترا اسمك مار علي
محمد : وين ؟
نوف : مادري بس احس انه اسمك مار على .. ع العموم اخوي اسمحلي ع الازعاج
محمد : لا ابد حبيبت قلبي لا ازعاج ولا شي متي ما بغيتي اتصلي انا بالخدمه
نوف وهي تضحك بدلع : هههههههه مشكور اخوي
محمد : يالبه ع الضحكه .. العفوا
نوف : مع السلامه
محمد وهو يبوس الفون : اموآآآآح مع السلامه وحظن الفون وكمل رقاده
في الصاله كان الكل قاعد
بوعبدالله : يالله ياعيال .. خلنا انلحق ع الصلاه
منصور + عبدالله : ايه يالله
بو عبدالله : وين محمد وراشد
منصور : يمكن بعدهم راقدين
بو عبدالله : انزين سير قعدهم وانتي ياهدي سيري قعدي البنات .. بنطلع البحر بعد الصلاه
هدي : ان شالله عمي
سار منصور يقوم رشود .. دخل غرفة راشد لكن حصل راشد قاعد يتسبح
وعقبها سار لبيت محمد
منصور وهو يحرك محمد : محمد محمد قوم
محمد : لحظه حبيبتي لحظه ويحظن الغطا
منصور : قوووم قوووم انا مب حبيبتك
محمد وهو مغمض عينه ويسحب ثوب منصور : بوووسه حبيبتي بوسه
منصور وهو يشد ثوبه من يد محمد وراح المطبخ وجاب قلاص ماي بارد وكته على محمد
محمد يصارخ : ااااااااااااااااااااااااااااااااااااااااااااح منصور انت قد هالحركه
منصور : ههههههههههههههههههههههه عيل حبيبتك وبوسه .. ايه قدها ~> وحط راسه ع غترته وعطاها شرده
ويوم وصل للباب : محمد ترا ابوي ينطرك اتي ويانا ع الصلاه
هدي راحت لغرفه ريم و مها ومها كانت تقرا سوره الكهف
هدي : صباح الخير حبيبتي
مها : صباح النور
هدي : وين عنج ريم
مها : ريم راقده
هدي : انزين قوميها
مها : لااااااااااااااااااا ما عاد الا ريم انا اقعدها
هدي : خلاص خلاص اانا بقومها انتي كملي قراءتج
وراحت هدي عند ريم - وكالعاده ريم حاطه ريل ع ريل وهي راقده - وهدي قامات اتهز ريم
هدي : ريموووا قومي
ريم : اوووهوووا في المدارس قاعدونا من الصبح وفي الاجازه بعد
هدي : قومي بنطلع بنروح البحر
ريم وهي اتفز : لووووووووووووووووووووووووووول بنروح البحر لا تاخذيني ع قد عقلي
هدي : بسم الله مب شايفه خير .. ايه بنروح البحر يالله قومي الحين بيردون الريايل من الصلاه
ريم : اوكي ~> وقامت ريموا راحت اتغسل وتتلبس
في الصاله تحت كانوا توهم رادين من الصلاه
بو عبدالله : انا بروح ابدل ثوبي .. وانتوا خلوا الخدم يزهبون كل شي
هدي : عمي ترا انا قلت لهم يزهبون بس باقي يحطونه بالسياره
ابو عبدالله : خلاص ع خير عيل يالله جهزوا عمركم ع ما ابدل وارجع
الكل : ان شالله
BRB
